អូបាម៉ាអំពាវនាវឲ្យសម្ព័ន្ធមិត្តរួមគ្នាផ្ដួលក្រុមរដ្ឋឥស្លាមជ្រុលនិយម

បើតាមសេចក្ដីរាយការណ៍ពីChannelnewsasiaបានឲ្យដឹងកាលពីម្សិលមិញនេះថាលោកបារ៉ាក់ អូបាម៉ាប្រធានាធិបតីអាមេរិក បានចង្អុលបង្ហាញនូវផែនការសម្រាប់កិច្ចប្រតិបត្តិការចម្រុះគ្នាទ្រង់ទ្រាយធំជាលក្ខណៈអន្តរជាតិដើម្បីផ្ដួលក្រុមរដ្ឋឥស្លាមឬក្រុមឥស្លាមជ្រុលនិយម(jihad)នៅអ៊ីរ៉ាក់និងស៊ីរី។

បើតាមប្រភពបានបន្តថាការលើកឡើងរបស់លោកអូបាម៉ានេះធ្វើឡើងនៅឯកិច្ចប្រជុំកំពូលរបស់អង្គការណាតូហើយលោកអូបាម៉ាបានបញ្ជាក់ដោយអំពាវនាវថាអាមេរិកចង់ធ្វើការពាក់ព័ន្ធផងដែរជាមួយសម្ព័ន្ធមិត្តនៅមជ្ឈិមបូព៌ានៅក្នុងយុទ្ធសាស្ត្រប្រឆាំងនឹងក្រុមjihadដែលបានហ៊ុំព័ទ្ធកាន់កាប់ទឹកដីទ្រង់ទ្រាយធំនោះមាននៅអ៊ីរ៉ាក់និងស៊ីរីជាដើម។

គួរជម្រាបថាប្រតិបត្តិការយោធាអាមេរិកតាមផ្លូវអាកាសនៅអ៊ីរ៉ាក់បានធ្វើការវាយប្រហារប្រមាណ១០០ដងហើយដើម្បីបើកផ្លូវឲ្យទាហានរដ្ឋាភិបាលនិងKurdទប់ទល់នឹងក្រុមឥស្លាមជ្រុលនិយមjihadហើយក្នុងនោះគេរកឃើញមានសាកសពមនុស្សស្លាប់ប្រមាណ៣៥នាក់បន្ទាប់ពីវាយប្រហារកាន់កាប់ទីក្រុងSulaiman Bekវិញពីក្រុម jihad។
ផ្តល់សិទ្ធដោយ ៖Khmer79

Ad unit

Side Ad