ស្ទឹងត្រែង៖ បុរសខ្មែរ២នាក់ដែលទៅរស់នៅក្នុងប្រទេសឡាវជាច្រើនឆ្នាំរហូតមានប្រពន្ធជាជនជាតិឡាវ ត្រូវបានកម្លាំងកងរាជអាវុធហត្ថ ខេត្ដស្ទឹងត្រែងចាប់ខ្លួនពីបទនាំគ្រឿងញៀនចូលក្នុងប្រទេសកម្ពុជា។
ការឃាត់ខ្លួនជនសង្ស័យទាំង២នាក់ នេះបានធ្វើឡើងនៅវេលាម៉ោង១២និង៥០នាទី ថ្ងៃទី៥ ខែកញ្ញា ឆ្នាំ២០១៤ នៅចំណុចភូមិណាអូន ឃុំស្រែសម្បូរ ស្រុកសៀមប៉ាង ខេត្ដស្ទឹងត្រែង។
មន្ដ្រីអ.ហខេត្ដបានឱ្យដឹងថា ជនសង្ស័យដែលត្រូវបានឃាត់ខ្លួនទី១-ឈ្មោះ ខាំ ផាន់ ភេទប្រុស អាយុ៦២ឆ្នាំ និងទី២-ឈ្មោះស៊ុន សៃយ៉ាភូ ភេទប្រុស អាយុ៥៣ឆ្នាំ អ្នកទាំង២រស់នៅភូមិគីឡូលេខ១០ ស្រុកបាជាង ខេត្ដចំប៉ាសាក់ប្រទេសឡាវ។
មន្ដ្រីដដែលបានឱ្យដឹងទៀតថា ជាមួយការឃាត់ខ្លួនជនសង្ស័យទាំង២នាក់ខាងលើ សមត្ថកិច្ចបានដកហូតថ្នាំញៀន ដែលវេចនៅក្នុងកញ្ចប់មួយយ៉ាងស្អាត មានទម្ងន់ប្រមាណជិត១គីឡូក្រាម។ ថ្នាំញៀននៅក្នុងកញ្ចប់សមត្ថកិច្ចនៅពុំទាន់បានស្រាយពិនិត្យមើលនៅឡើយទេ ប៉ុន្ដែគេសង្ស័យថាជាថ្នាំញៀនប្រភេទម៉ាទឹកកក៕
អត្ថបទដោយ៖ ត្បូងឃ្មុំ
ផ្តល់សិទ្ធដោយ ៖Khmer79
.jpg)
No comments:
Post a Comment