ផ្តល់សិទ្ធដោយ ៖Khmer79
អាថ៌កំបាំងផ្លែដូង បង្កប់នូវអត្ថន័យព្រហ្មវិហារធម៌ទាំងបួន
អាថ៌កំបាំងផ្លែឈើមួយប្រភេទ ដែលមានឈ្មោះតាំងពីអតីតកាលមក ហើយមានបង្កប់នូវអាថ៌កំបាំងយ៉ាងជ្រៅ ផ្លែឈើធម្មជាតិនោះ យើងហៅថា ផ្លែដូង។ ហេតុអ្វីបានជាបុព្វជនខ្មែរ ដាក់ឈ្មោះផ្លែឈើនេះថាជាដូង? យើងដឹងហើយថា ពេលចង់ហូបផ្លែនេះ ត្រូវតែបេះវាយកមកកាប់ហូប គឺបេះដូងហើយពាក្យនេះវាដូចនឹងដុំសាច់មួយដុំនៅក្នុងទ្រូងរបស់យើងគ្រប់គ្នា គឺបេះដូងៗ ជាទីសំណាក់របស់ចិត្ត ព្រោះអ្នកប្រាជ្ញ គាត់ពុំចេះដាក់នាមអ្វីមួយ ដោយមិនមានន័យបង្កប់ក្នុងពាក្យនោះឡើយ។
តើផ្លែដូងមានលាក់អ្វីខាងក្នុង? គឺលាក់ទឹក ចំណែកបេះដូងមនុស្សក៏មានលាក់ទឹក ក្នុងដុំសាច់នោះ មួយទូកដៃដែរទឹកចិត្ត ហើយក្នុងទ្រឹស្ដីព្រះសម្មាសម្ពុទ្ធ បានសំដែងថា ទឹកនេះតែងប្រែប្រួលទៅតាមចិត្ត ចិត្តល្អទឹកថ្លា ចិត្តមានទុក្ខ ឬអាក្រក់ទឹកល្អក់ ចំណែកផ្លែដូងក៏មានលាក់ទុកនូវទឹកដូចបេះដូងដែរ។ តើផ្លែដូងមានប៉ុន្មានស្រទាប់ ដែលលាក់នូវទឹកនោះ? គឺ ១.សំបក ២.ស្រកី ៣.លលាដ៏ ៤.សាច់ តើបួននេះ ប្រៀបធៀបទៅនឹង ១.សំបក ដូច មេត្តា ២.ស្រកី ដូច ករុណា ៣.លលាដ៏ ដូច មុទុតា និង៤.សាច់ ដូច ឧបេក្ខា។
ចំណែកឯបេះដូងមនុស្សវិញ ក៏លាក់ទុកក្នុងស្រទាប់ បួន ដែរ គឺស្រទាប់ទីមួយ គឺស្បែក, ស្រទាប់ទីពីរ គឺសាច់, ស្រទាប់ទីបី គឺសរសៃ និងស្រទាប់ទីបួន គឺឆ្អឹង។ បកស្រទាប់បួនចេញ ទើបឃើញទឹកមួយទូកដៃនៅក្នុងបេះដូង គឺទឹកចិត្ត ទឹកចិត្តនេះហើយដែលបង្កប់នូវធម៌បួនហៅថា ព្រហ្មវិហារធម៌ (ធម៌ជាដំបូលសំរាប់ឲ្យកូនប្រុសស្រីជ្រក)។ ប្រភពពីប្លុក somecambodia
ផ្តល់សិទ្ធដោយ ៖Khmer79
ផ្តល់សិទ្ធដោយ ៖Khmer79
Subscribe to:
Post Comments (Atom)
.jpg)
No comments:
Post a Comment