កំពង់ឆ្នាំង៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលកំពុងតែដើរឆ្លងផ្លូវ ហើយត្រូវរថយន្តក្រុងដឹកអ្នកដំណើររបស់ក្រុមហ៊ុន RPP មួយគ្រឿង បានបើកបុកយ៉ាងពេញទំហឹង កាលពីថ្ងៃទី៣ ខែកញ្ញា ឆ្នាំ២០១៤ ស្ថិតនៅផ្លូវជាតិលេខ៥ ចន្លោះគីឡូម៉ែត្រលេខ៦៩ និង៧០ ក្នុងភូមិគោកស្តៅ ឃុំទឹកហូត ស្រុករលាប្អៀរ។
ជនរងគ្រោះ មិនត្រូវស្គាល់អត្តសញ្ញាណឡើយ តែបុរសនេះស្លៀកខោពណ៌ក្រហម អត់ពាក់អាវ មានអាយុប្រហែលជាង៣០ឆ្នាំ ចំណែកអ្នកបើក រថយន្តក្រុងបង្ក បានចុះរត់គេចខ្លួនបាត់ ដោយបន្សល់រថយន្ត ចោលនៅកន្លែងកើតហេតុ។
សាក្សីកន្លែងកើតហេតុបានឲ្យដឹងថា មុនពេលកើតហេតុគេឃើញជនរងគ្រោះ ធ្វើដំណើរដោយថ្មើរជើង ឆ្លងផ្លូវក្នុងទិសដៅពីកើតទៅលិច ខណៈដែលកំពុងតែដើរឆ្លងផ្លុវនេះ ស្រាប់តែត្រូវរថយន្តក្រុងដឹកអ្នកដំណើររបស់ក្រុមហ៊ុន RPP ពណ៌ក្រហម១គ្រឿង ពាក់ស្លាកលេខភ្នំពេញ ៣C-៣២២៩ បានបើកយ៉ាងលឿនពីភ្នំពេញ ទៅបាត់ដំបងជាន់ហ្វ្រាំងមិនទាន់ ក៏ជ្រុលទៅបុកជនរងគ្រោះពេញទំហឹងបណ្តាលឲ្យស្លាប់ភ្លាមៗតែម្តង។
ប្រជាពលរដ្ឋបានឲ្យដឹងថា ជនរងគ្រោះនេះគេឃើញដើរតាមផ្លូវនេះ២ទៅ៣ថ្ងៃមកហើយ មិននិយាយស្តីទេ ឃើញតែដើរនៅម្តុំនេះ ដែលគេសង្ស័យថា ជាមនុស្សដែលមានសតិមិនល្អ ហើយក៏បានស្លាប់ក្នុងពេលនេះតែម្តងទៅ៕
អត្ថបទដោយ៖ តាក្រញ៉ូង
អត្ថបទដោយ៖ តាក្រញ៉ូង
ផ្តល់សិទ្ធដោយ ៖Khmer79
.jpg)
No comments:
Post a Comment