ហេតុការណ៍សម្រាលកូននៅពាក់កណ្តាលផ្លូវនេះ បានកើតឡើងនៅវេលាម៉ោង៩និង៣០នាទី យប់ថ្ងៃទី៣ ខែកញ្ញា ឆ្នាំ២០១៤ នៅចិញ្ចើមផ្លូវជាតិលេខ២១B ចំណុចជិតស្ពានលេខ១ កុមារអារុណរះ ស្ថិតក្នុងភូមិទួលក្រសាំង ស្រុកស្អាង ខេត្តកណ្ដាល។
ស្ត្រីជាម្ដាយដែលឆ្លងទន្លេតាមផ្លូវមានឈ្មោះ ម៉ែន ចាន់ថា អាយុ២៧ឆ្នាំ រីឯប្តីឈ្មោះ សយ សៅ អាយុ៤៣ឆ្នាំ មុខរបរកសិករ មានទីលំនៅភូមិកោះខ្សាច់ជន្លា ឃុំកោះខ្សាច់ជន្លា ស្រុកស្អាង ខេត្តកណ្តាល។
បុរសជាប្តី បានរៀបរាប់ឲ្យដឹងថា បន្ទាប់ពីប្រពន្ធឈឺពោះ ខ្លួនក៏យកម៉ូតូមកឌុបបំណងយកទៅឆ្លងទន្លេនៅគ្លីនិកឯកជង កែវសាន្ត ខណៈឆ្លងបានត្រឹមស្ពានទី១ ប្រពន្ធឈឺពោះកាន់តែខ្លាំងឡើង ក៏បង្ខំចិត្តឈប់ម៉ូតូអែបនៅចិញ្ចើមផ្លូវ។ គ្រានោះក៏មានប្រជាពលរដ្ឋមកជួយសង្គ្រោះ និងមានកម្លាំងនគរបាលមកជួយការពាសន្តិសុខ និងធ្វើសណ្តាប់ធ្នាប់ផងដែរ។
បុរសជាប្តីបានបន្តថា មួយសន្ទុះក្រោយមក ស្រាប់តែប្រពន្ធរបស់គាត់ប្រសម្រាលបានកូនស្រីម្នាក់ ដោយមានការជួយយកអាសារពីប្រជាពលរដ្ឋ និងសមត្ថកិច្ចមូលដ្ឋាន អ្នកខ្លះរត់ទៅរកពេទ្យឆ្មប ខ្លះទៀតយកសម្ភារៈមកជួយបិទបាំង និងដាក់ភ្លើងបំភ្លឺ។ ក្រោយពីសម្រាលកូននៅចិញ្ចើមផ្លូវហើយ បងប្អូនប្រជាពលរដ្ឋ និងសមត្ថកិច្ចបានជួយចាត់ចែងបន្ថែមទៀត ដឹកបន្តមកសង្គ្រោះនៅមន្ទីពេទ្យជ័យជំនះ។
ក្រោមការជួយជ្រោមជ្រែងពីសមត្ថកិច្ច និងប្រជាពលរដ្ឋបុរសជាប្តីឈ្មោះ សយ សៅ ក៏បានថ្លែងអំណរគុណអ្នកដែលបានជួយយកអាសារទាំងអស់ ដែលនាំគ្នាជួយសង្គ្រោះប្រពន្ធ និងទារិការួចផុតពីគ្រោះថ្នាក់។ តាមការត្រួតពិនិត្យសុខភាព ក្រុមគ្រូពេទ្យបានប្រាប់ថា ទាំងម្តាយ និងកូន មានសុខភាពល្អជាធម្មតា ឥឡូវកំពុងសម្រាកនៅក្នុងមន្ទីពេទ្យ៕
អត្ថបទដោយ៖ ក្តាមថ្ម
ក្រោមការជួយជ្រោមជ្រែងពីសមត្ថកិច្ច និងប្រជាពលរដ្ឋបុរសជាប្តីឈ្មោះ សយ សៅ ក៏បានថ្លែងអំណរគុណអ្នកដែលបានជួយយកអាសារទាំងអស់ ដែលនាំគ្នាជួយសង្គ្រោះប្រពន្ធ និងទារិការួចផុតពីគ្រោះថ្នាក់។ តាមការត្រួតពិនិត្យសុខភាព ក្រុមគ្រូពេទ្យបានប្រាប់ថា ទាំងម្តាយ និងកូន មានសុខភាពល្អជាធម្មតា ឥឡូវកំពុងសម្រាកនៅក្នុងមន្ទីពេទ្យ៕
អត្ថបទដោយ៖ ក្តាមថ្ម
ផ្តល់សិទ្ធដោយ ៖Khmer79
.jpg)
No comments:
Post a Comment