ក្រឡាប់គោយន្តធ្លាក់ចូលទឹក បណ្តាលឲ្យមនុស្សជាច្រើនរងរបួស

កំពង់ឆ្នាំង៖ គោយន្តកន្ត្រៃមួយគ្រឿងបានក្រឡាប់ធ្លាក់ចូលប្រឡាយ បណ្តាលឲ្យយុវជនម្នាក់រងរបួសធ្ងន់ ដឹកមកសង្គ្រោះនៅមន្ទីរពេទ្យបង្អែកខេត្តកំពង់ឆ្នាំងនិង មួយចំនួនទៀតបានរងរបួសស្រាល។

ប្រភពព័ត៌មានបានរាយការណ៍ថា នៅមុនពេលកើតហេតុ ជនរងគ្រោះនិងអ្នកភូមិជាង១០នាក់ទៀត បានជិះគោយន្តទៅលេងរមណីយដ្ឋានច្រកល្អៀង ហៅ “យ៉ោក”។ ពេលធ្វើដំណើរទៅដល់កន្លែងកើតហេតុដែលជាកន្លែងផ្លូវបត់ អ្នកបើកគោយន្តកន្ត្រៃបញ្ជារបត់មិនទាន់ ក៏ជ្រុលក្រឡាប់ធ្លាក់ចូលប្រឡាយទឹកតែម្តង ដែលកន្លែងកើតហេតុ នៅខ្វះប្រមាណជា១០គីឡូម៉ែត្រទៀតដល់រមណីយដ្ឋាន បណ្ដាលឲ្យយុវជនម្នាក់បានរងរបួសសធ្ងន់ ចំណែកអ្នកផ្សេងទៀត បានរងរបួសស្រាល មិនត្រូវបានបញ្ជូនទៅព្យាលបាលនៅមន្ទីរពេទ្យទេ។ ដោយឡែកជនរងគ្រោះដែលរងរបួសធ្ងន់ បានដឹកមកសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង។

ជនរងគ្រោះដែលរងរបួសធ្ងន់ឈ្មោះ ឯក សុទ្ឋា អាយុ២២ឆ្នាំ មានទៅលំនៅ ភូមិជំទាវបុត្រី ឃុំផ្សារ ស្រុកបរិបូរណ៍ ខេត្តកំពង់ឆ្នាំង។ ហេតុការណ៍នេះបានកើតឡើងកាលពីវេលាម៉ោង១២ និង៣០នាទីថ្ងៃត្រង់ថ្ងៃទី៤ ខែកញ្ញា ឆ្នាំ២០១៤ នៅតាមផ្លូវលំ ទៅរមណីដ្ឋានទឹកធ្លាក់ច្រកល្អៀង ស្ថិតក្នុងភូមិបំណក់ ឃុំឈើតុំ ស្រុកក្រគរ ខេត្តពោធិសាត់ ជាប់ព្រំប្រទល់ឃុំក្រាំងស្គារ ស្រុកទឹកផុស ខេត្តកំពង់ឆ្នាំង៕

អត្ថបទដោយ៖ តាក្រញ៉ូង

ផ្តល់សិទ្ធដោយ ៖Khmer79

Ad unit

Side Ad