កំពុងតែបើកបរសុខៗ ស្រាប់តែរ៉េចង្កូតធ្លាក់ផ្លូវដោយមិនដឹងមូលហេតុ

កណ្តាល៖ រថយន្តកុងតឺន័រមួយគ្រឿងដែលកំពុងតែបើកបរនៅតាមផ្លូវជាតិសុខៗ ស្រាប់តែរ៉េចង្កូតធ្លាក់ពីថ្នល់ជាតិដោយពុំដឹងពីមូលហេតុ។ ទោះយ៉ាងណាគ្រោះថ្នាក់នេះ មិនបណ្តាលមានមនុស្សណាម្នាក់រងរបួសនោះឡើយ។ ហេតុការណ៍នេះបានកើតឡើងកាលពីវេលាម៉ោង១១ ថ្ងៃទី៥ ខែកញ្ញា ឆ្នាំ២០១៤ នៅព្រំប្រទល់រវាងឃុំគគីរធំ និង ឃុំសំរោងធំ ចំនុចភូមិព្រែកត្រែង ឃុំសំរោងធំ ស្រុកកៀនស្វាយ ខេត្តកណ្តាល។

រថយន្តជួបគ្រោះថ្នាក់គឺជារថយន្តរបស់ក្រុមហ៊ុនតិច ស្រ៊ុន ម៉ាកនីសាន់ ពាក់ស្លាកលេខ ភ្នំពេញ 3B-1059 ប៉ុន្តែកន្ទុយកុងតឺន័រ ពាក់ស្លាកលេខ ភ្នំពេញ4A-0931។ តាមប្រភពពត៍មានពីនគរបាលប៉ុស្តិ៍សំរោងធំបានឲ្យដឹងថា មុនពេលកើតហេតុ រថយន្តកុងតឺន័របើកបរក្នុងទិសដៅពីភ្នំពេញទៅអ្នកលឿង ទៅដល់ចំនុចកើតហេតុស្រាប់តែរ៉េចង្កូត ធ្លាក់ចេញពីផ្លូវទៅខាងស្តាំដៃ តែមិនបណ្តាលឲ្យអ្នកដំណើរណាម្នាក់រងរបួសនោះទេ។ ប្រភពបានបន្តថា ក្រោយមកភាគីរថយន្តកុងតឺន័រ បានយករថយន្តស្ទូចមកស្ទូចយកចេញព្រោះមិនមានប៉ះពាល់ដល់អ្នកដទៃ៕

អត្ថបតដោយ៖ ក្តាមថ្ម

ផ្តល់សិទ្ធដោយ ៖Khmer79

Ad unit

Side Ad