ហិង្សានិងការវាយប្រហារដោយភេរវកម្មនៅអ៊ីរ៉ាក់ស្លាប់ជាង១៤០០នាក់

បើតាមសេចក្ដីរាយការណ៍ពីអង្គការសហប្រជាជាតិបានឲ្យដឹងកាលពីម្សិលមិញនេះថាចំនួនពលរដ្ឋអ៊ីរ៉ាក់ស្លាប់សរុបកើនដល់១៤២០នាក់និងរបួសមាន១៣៧០នាក់ផងដែរក្នុងការវាយប្រហារដោយភេរវកម្មនិងអំពើហិង្សានៅសីហាកន្លងទៅនេះ។

បើតាមប្រភពពីស៊ិនហួបានដកស្រងតួលេខពីUNបានចុះថាមានជនស៊ីវិលចំនួន១២៦៥នាក់ដែលក្នុងនោះមានប៉ូលិសស៊ីវិល៧៧នាក់ បុគ្គលិកកងកម្លាំងសន្តិសុខ១៥៥នាក់ត្រូវបានគេសម្លាប់និងរបួសវិញមានជនស៊ីវិល១១៩៨នាក់ដែលក្នុងនោះមានប៉ូលិសស៊ីវិល១០៥នាក់បានរងរបួស។

គួរជម្រាបថាអំពើហិង្សានៅអ៊ីរ៉ាក់ដោយមានការអន្តរាគមន៍ពីអាមេរិកផងនោះបានធ្វើបង្ខំពលរដ្ឋប្រមាណ៦០០០០០នាក់ជម្លៀសខ្លួនចេញទៅរកកន្លែងសុវត្ថិភាព។
ផ្តល់សិទ្ធដោយ ៖Khmer79

Ad unit

Side Ad