រុស្ស៊ីអំពាវនាវឲ្យសហភាពអឺរ៉ុបបង្ហាញសុភវិនិច្ឆ័យជុំវិញការគំរាមដាក់ទណ្ឌកម្ម

កាលពីម្សិលមិញនេះលោកវ្លាឌឺម៉ារ ពូទីន ( Vladimir Putin) ប្រធានាធិបតីរុស្ស៊ីបានអំពាវនាវឲ្យសហភាពអឺរ៉ុបបង្ហាញនូវសុភវិនិច្ឆ័យនិងជៀសវាងការដាក់ទណ្ឌកម្មគ្នាទៅវិញទៅមកនាំឲ្យខាតប្រយោជន៍ទាំងសងខាង។

បើតាមប្រភពពីChannelnewsasiaបានលើកឡើងថាការប្រតិកម្មរបស់លោកពូទីនធ្វើឡើងក្រោយមួយថ្ងៃបន្ទាប់ពីមេដឹកនាំសភាពអឺរ៉ុបបានសម្រេចទុកពេលឲ្យរុស្ស៊ីមួយសប្ដាហ៍ដើម្បីដកទាហានត្រឡប់ពីទឹកដីអ៊ុយក្រែន បើមិនដូច្នេះទេនឹងប្រឈមមុខនឹងការដាក់ទណ្ឌកម្មថ្មី។

គួរបញ្ជាក់ថារុស្ស៊ីត្រូវបានគេចោទប្រកាន់និងមើលឃើញថាបានបញ្ជូនទាហានត្រឡប់ទៅកាន់តំបន់តានតឹងដើម្បីគាំត្រក្រុមផ្ដាច់ខ្លួន នៅប៉ែកអាគ្នេយ៍ប្រទេសអ៊ុយក្រែន។
ផ្តល់សិទ្ធដោយ ៖Khmer79

Ad unit

Side Ad