កិច្ចឈប់បាញ់គ្នានៅអ៊ុយក្រែន រំពឹងនឹងកើតមានខណៈដែលណាតូធ្វើការប្រឆាំងនឹងរុស្ស៊ី

កាលពីម្សិលមិញនេះអ៊ុយក្រែនបានលើកឡើងនូវក្ដីសង្ឃឹមផ្សេងៗនៃបទឈប់បាញ់គ្នាជាមួយក្រុមផ្ដាច់ខ្លួនដែលគាំទ្រទីក្រុងមូស្គូនៅក្នុងអំឡុងកិច្ចប្រជុំកំពូលរបស់អង្គការណាតូខណៈដែលអាមេរិកនិងអង់គ្លេសទទូចឲ្យសហគមន៍អន្តរជាតិក្រោកឈរប្រឆាំងនឹងរុស្ស៊ី។

បើតាមលោក Petro Poroshenko ប្រធានាធិបតីអ៊ុយក្រែនដែលបានជួបមេដឹកនាំលោកខាងលិចនៅក្នុងកិច្ចប្រជុំកំពូលនេះបានលើកឡើងថាលោករំពឹងថាកិច្ចព្រមព្រៀងនឹងត្រូវបានចុះហត្ថលេខានៅថ្ងៃសុក្រនេះសម្រាប់ផែនការសន្ដិភាពរបស់អ៊ុយក្រែន។

ចំណែកក្រុមផ្ដាច់ខ្លួននៅតំបន់ផ្សេងៗដែលគាំទ្ររុស្ស៊ីបានលើកឡើងផងដែរថាពួកគេត្រៀមខ្លួនរួចរាល់ហើយដើម្បីប្រកាសបញ្ជាឈប់បាញ់គ្នាប្រសិនបើផែនការសន្តិភាពគាំទ្របុរីក្រឹមឡាំងត្រូវបានគេចុះហត្ថលេខា។

គួរជម្រាបថានៅក្នុងកិច្ចប្រជុំកំពូលអង្គការណាតូនេះត្រូវគេរំពឹងថានឹងបង្កើតបាននូវមូលនិធិសម្រាប់យោធាអ៊ុយក្រែន,បង្កើតអង្គភាពថ្មីដែលត្រៀមលក្ខណៈខ្ពស់និងពង្រាយទ័ពនិងសម្ភារៈសម្រាប់អុយក្រែនដែលជម្លោះក្នុងប្រទេសជាប់ពាក់ព័ន្ធនឹងរុស្ស៊ី។Channelnewsasia
ផ្តល់សិទ្ធដោយ ៖Khmer79

Ad unit

Side Ad