ផ្ទះ២ល្វែងត្រូវបានអគ្គីភ័យលេបត្របាក់អស់គ្មានសល់

ភ្នំពេញ៖ ផ្ទះ២ល្វែងធ្វើអំពីឈើត្រូវបានអគ្គីភ័យលេបត្របាក់អស់គ្មានសល់ក្លាយជាផេះផង់ កាលពីវេលាម៉ោង៨និង៤០នាទីព្រឹកថ្ងៃទី០៥ ខែកញ្ញាឆ្នាំ២០១៤ នៅមុខមជ្ឍមមណ្ឌលម៉ុងឌីយ៉ាល់ ក្នុងសង្កាត់ទឹកល្អក់ទី៣ ខណ្ឌទួលគោក។

ផ្ទះល្វែងដែលត្រូវភ្លើងឆេះ មួយមានទីតាំងលេខ៤៣ មានម្ចាស់ឈ្មោះ សំ ស្រេង អាយុ៦៤ឆ្នាំ និងមួយទៀតលេខ៤៤នៅជាប់គ្នា មានម្ចាស់ឈ្មោះ លាង ហាង អាយុ៥២ឆ្នាំ។

បើតាមសេចក្តីរាយការណ៍បានឱ្យដឹងថា ក្នុងហេតុការណ៍ភ្លើងឆេះនេះដែរ រថយន្តពន្លត់អគ្គិភ័យចំនួន៦គ្រឿង បានចេញទៅអន្តរាគមន៍បាញ់ទឹកពន្លត់ តែមិនអាចទប់ស្កាត់បាន ដោយសារអំណាចភ្លើងឆេះរាលដាលឆាប់រហ័សពេក។

សេចក្តីរាយការណ៍ឱ្យដឹងទៀតថា ចំពោះមូលហេតុជំហានដំបូងគេសង្ស័យ ទុស្សេចរន្តអគ្គិសនីចេញពីផ្ទះលេខ៤៣ ហើយការឆាបឆេះមានរយៈពេលជិតមួយម៉ោងទើបភ្លើងរលត់ទាំងស្រុង៕

អត្ថបទដោយ៖ អ្នកប្រម៉ាញ់ទីក្រុង

ផ្តល់សិទ្ធដោយ ៖Khmer79

Ad unit

Side Ad